zeezoo
  
العمر : 16
سجّل في : 01 مارس 2008
عدد المساهمات : 44
العمل/الترفيه : الدشرة والونسة على الناس
المزاج : فلة ويحب السلة
|  موضوع: شعر مكاوي  الأحد مارس 16, 2008 5:23 pm | |
|
نسمة حلوة جات في بالي
يا زقاق بيتنا القديم
نعنشت بستان خيالي
بريحة النبك و النيم
لما كنا صغار و دقة
و كانت حالتنا طينة
و نحن نلعب في الأزقة
و لا أحد يسأل علينا
هادا قرصتو بقه
و عمال تهرشلو أمينة
و هادا في جيبوا بقعة زرقة
واصلة لحد الفنيلة
و هادا ماسك أم طقة
يسئلها نروح المدينة
و دا ماشي و في توبو قلقه
و كائنوا كان جالس في كينة
و دا يلحس حمر في ورقة
و البحر خلا طحينة
و دا يلف في مرقة
و فمه شغال زي الماكينة
و دا شايل على راسه شقة
يخبزها لخالة حسينة
و هادا متشعبط في سقا
سألوا متى رايح تجينا
و دا عمال يحنجل على عمره ابن الذين
قال بيلعبلي بربر تقول في رجلو غرغرينة
و عيال عمال تزعق
يا مطرة حطي علينا
و حمرة من الروشان تبربر
اكنتم عساك القرينة
و دول في لعبة أودام
و دول في استوات المقادم
و دا شبر مات البراطم
و مسوي شوطة و ازعرينه
و دول في طبيش الأعمى
و هادا يجري ورا الكلاب
و دا في البازار يستحما
حتى ما تشوف امه الهباب
و دا يغبا يقلبها ظلمة
يحرش مين يكش التراب
و دا مسوي صياح و رجة
و دا كب دقيق حجة
و هادا بيسبسب في كنجة
مع أنه زي الغراب
و هادا بيلعب برجون
و هادا جاب بالكورة قول
و هادا خوف من العيون
لبسوه أهل حجاب
و دا ماسكله جنط
يجرى ورا بحديدة
و عمال ينقز و ينط
و شبب و فردة و فريدة
و دول في طيري طار
و دول ينطوا فوق أشبار
و دا راكب فوق جريدة
قال مسويها حمار
و دا بيطقطق أقر
و هادا بياكول لنقطة
و هادا بيغمس في شرش
و الحكاية ملخبطة
و هادا من قوة بطر يبغى ياكل لغمطة
و شيبة زورو انشقر
سيب يا واد الشعبطة
كنت تشوف الحكاوي
و اللي يمشوي السقاوي
ياكل كل يوم علقة
عشان يطلع شقاوي
اشتقت يا زقاقنا لجارك
لكل مين دعساك و زارك
اشتقت للوزك الهندي
اتشعبطلو أشجارك
و هادي نسمة خفيفة
من حياة حلوة و لطيفة
صورة من الماضي الكريم
في زقاق بيتنا القديم
هذه من كلمات الأستاذ : عبد لله دبلول
بايخة ومنقولة أنا ما عجبتني بس إيش أسوي محد كتبلنا شعر محترم |
|
دلوعة أبوها
  
العمر : 11
سجّل في : 08 مارس 2008
عدد المساهمات : 27
العمل/الترفيه : طالبة
المزاج : دلوعة
| | موضوع: رد: شعر مكاوي الجمعة مارس 21, 2008 5:27 pm | |
| انا ما
أقدر
اقولك الى
سلمت
 |
|
zeezoo
العمر : 16
سجّل في : 01 مارس 2008
عدد المساهمات : 44
العمل/الترفيه : الدشرة والونسة على الناس
المزاج : فلة ويحب السلة
| | موضوع: رد: شعر مكاوي السبت مارس 22, 2008 5:24 pm | |
| مشكوووووورة على المروور
هادي بسستك انا كان عندي بسة بس شردت  |
|
rose of love
المدير العام
سجّل في : 28 فبراير 2008
عدد المساهمات : 82
العمل/الترفيه : طالبة مجتهده ان شاء الله
المزاج : محبة
| | موضوع: رد: شعر مكاوي الأحد أبريل 27, 2008 12:17 pm | |
| صح يا مكاوي معنك من الرياض 
_________________
مع تحياتي rose of love
 |
|
